“امل صبحي” تكتب لمن يهمة الامر

لكل من حافظ علي العهد ولى عنده ابناء في التعليم او خلصوا ..الي كل المهتمين بهذا الموضوع الي من يهمه الامر هل تعلم سيادتك ان معظم خريجي المدارس الخاصه والاجنبيه مش عايزين يكملوا دراستهم الجامعيه داخل مصر او ان شاء الله مش حيكملوا ويتقبلوا في جامعات الخارج؟…هل تعلم سيادتك ان التعليم الجامعي خارج مصر بكل تكاليفه خاصه في بلد زي المانيا حيبقي ارخص من اغلب الجامعات الخاصه الموجوده في بلدنا الحبيب؟. دة غير المغريات الي طرات علي المجتمع من مصاريف في الجامعات الخاصة ومسميات حديثة ..هل تدرك معني ان جيل متعلم احسن تعليم في المدارس واولاد وبنات زي الفل حيسافر بره علشان يتعلم تعليم جامعي متميز اللي انت المفروض كنت تقدمهوله؟ لان الجامعات الخاصة بتاخد اكتر من برة واسال في رومانيا كمان وروسياوبالتالي احتمال انه يكمل ماجستير ودكتوراه في هذا البلد الاجنبي نسبه حدوثه عاليه جدا لو ما اشتغلش هناك اصلا بالبكالريوس بتاعه؟؟…طب حضرتك متخيل ان الشباب الجميل ده في يوم حيرجع بلده تاني بعد ما اتعود علي النظام والجمال والنظافه واحترام القانون والاهم احترام البني ادم نفسه ، متخيل انه يرجع لبلد ابسط قواعد احترام اي حاجه فيها مش موجود ؟؟ …متصور حضرتك انه يسيب ده كله ويرجع يقف في طابور العمل عندنا أو ينتظر شركه عالميه مقرها في مصر تاخذه وسط الاف المتقدمين؟ … وان اخد واتقبل حايحبط من المرتب ويبداء يشتغل شغلانة تانية وينسي حياتة او انة بني ادم يعني احنا كاهل للشباب دول نقعد نربي ونصرف ونودي هنا وهناك ونعلم قيم ودين واخلاق ومبادئ واكرر دين ومبادئ،،،ونربي فيهم حب الوطن وشايفينا مستحملين كل الصعاب اللي فاتت ، ونقولهم معلش … ونقول لنفسنا معهلش حانربط الحزام علشان الولاد يتعلموا ما هو دة استثمار في التعليم .مهما حصل مش حنسيب بلدنا …ويجي ابنك او بنتك مايصدق يهرب من الجحيم اللي هو عايش فيه ويقولك انا استحمل زيك ليه …وهووووب يروح مسافر وبلد تانيه غير بلده تستفيد من علمه وتفوقه؟ واحتمال طبعا انه يتطبع بهذا المجتمع الجديد عاليه جدا لانه سافر وهو صغير والاغراءات حوله كثيره ، فضاع سيادتك كل ما حاولنا غرسه فيه ؟؟ طب انت دور حضرتك فين بقي قولي؟ احنا عملنا كل اللي علينا …اقتراحاتك او مشروعاتك للشباب دول ايه ؟ ليه مناهج تعليمك الجامعي يبعد مئات السنوات الضوئيه عن باقي الجامعات، ليه ترتيب جامعاتك العامه والخاصه في القاع؟ ليه مش قادر تخلق مناخ جاذب لهذا الشباب ابسط حقوقه فيه تطبيق النظام والقانون بكل ماتشمله هذه الكلمه من معاني ؟ واخيرا علي المستوي الانساني ، حضرتك متخيل مدي الضغط العصبي والنفسي لما ام او اب يودع ابنه او بنته اللي ما كملوش ١٨ سنه كل مره وهو مسافر ويقول يا عالم حشوفهم تاني ولا لا؟ وياتري حيحصل معاهم ايه وهم مش معانا …. ياتري بقي بعد ما زرعنا كل السنيين دى مش المفروض نبقي في مرحلة الحصاد ولا مرحلة الوحدة لان ولادك مش عايزين يعيشوا زى ما عشنبا وبيحملونا سبب انة كان ممكن نمشي من زمان عذرا للاطاله ….وتفضلوا منى فائق الغلب والحسره علي شباب زي الورد كان لازم يفيد بلده مقدمته لسيادتكم ام مصريه حتي النخاع ربت وتعبت وشقيت ومازالت وفي الاخر ولادها عايزن يسافروا لان هما شايفين ان حياتها كانت بروفا لحياتهم والبروفا مش ناجحة فعايزين حايتهم تختلف اكيد الموضوع مش شخصي ولكنة في كل بيت ..ملحوظة حفيدتي اقل حضانة ليها في مصر الان ٢٥ الف ملحوظة ابوها مرتبة لا يتعدى ٣ الف وبيشتغل صبح وظهر ..بحبك يا مصر بس تعبت .

عن سمية المصري

اترك تعليقاً

لن يتم نشر عنوان بريدك الإلكتروني.